Массово-политическая газета Березовского района

Востраў свабоды

257
Николай Синкевич,
17 марта 2017

Прыват чат з Аляксандрам Хутко, бармэнам-афіцыянтам бара «Паўночны» г. Бяроза (Экс-«Таццяна»)

– Кактэйлі ці гарбата?

– Кактэйлі. Напрыклад, папулярны «Куба лібрэ». Магу прапанаваць кактэйлі па ўласнай рэцэптуры «Ніколь», «Карыбы», «Фрэдзі Кругер». Прыходзьце, пасмакуеце.

– Лідар ці выканаўца?

– Выканаўца. Больш падабаецца што-небудзь рабіць самому для ўсіх, чым кімсьці кіраваць. Хочацца творчасці і развіцця ў сваёй справе.

– Строгі касцюм або стрытстайл?

– Строгі касцюм. Пасталеў і стаў любіць строгі касцюм. Падабаецца кашуля з гальштукам-бабачкай, па сваім жаданні я так апранаюся на працы.

– Пачуццё гумару ці сур’ёзныя адносіны?

– 50 на 50. Адпаведна настрою і самаадчуванню.

– Каханне ці разлік?

– Каханне. Сацыяльны статус дзяўчыны для мяне не важны. Цаню розум і годныя паводзіны. Ну і падабаюцца дзяўчыны пераважна высокага росту, як і я сам.

– Задавальненне ад працы або памер зарплаты?

– Мне прыносіць задавальненне праца. У бары я адзін бармен, у мяне шэсць працоўных дзён. Самыя загружаныя – пятніца і субота, але падабаецца, цікава, шмат людзей, шмат знаёмстваў.

– Прыгажосць або надзейнасць?

– Надзейнасць.

– Асцярожнасць або рызыка?

– Часам рызыкую. А ўвогуле імкнуся пралічваць і выбіраць надзейныя варыянты.

– Кніга ці кіно?

– Кіно. Гляджу сучасныя фільмы для моладзі. Падабаюцца серыялы і меладрамы, камедыі.

– Спартсмен або заўзятар?

– Больш спартсмен. Раней займаўся футболам, бегам, танцамі. Цяпер, на жаль, на гэта не хапае часу.

Оставьте свой комментарий